إلى محبوبتي
ياأول حد بشتاق له
وأرسم بسمة تملى عنيه
بقرب من هواه
أكتر
بدون ما عرف
بقرب ليه
وأحكي لنفسي عن حالي
وأسأل نفسى بسأل
ليه
واشد بقوة على إيده
وإيدي التانيه خوفي
عليه
وبين قلقي وبين خوفى
ودقات قلبي دا كان إيه
حبيب يمكن
قريب جايز
صديق فعلا
وحد بروح له وقت الضيق
فيمسح دمعتي
بإديه
أمل وطريق
ووردة نادية بالبستان
ودعوة حد كان
صادق
رفع بالدعوة كف إديه
..........................
وخوفى عليه يعود تاني
ويأمرني
ويفرض حق واجب ليه
أكون في الفرح مستني
ووقت الشدة
أستحمل
وادوق المر لجل عنيه
واعمل من نسايمه
بخور
وابخر بيه بيوت الحى
واصلي الفرض
وادعيله
يدوم الخير
ويسعد بيه
وأقول للحزن روح وابعد
وسيب للفرح خطابه
وأجمع كل أحبابه
وأرسم بصمة فى كتابه
وخلى الشمس
ونجومها
حرس وحجاب يدارو
عليه
من الحساد. من الغيرة
ونفرح فرحة الدنيا
ونرضى بكل شيء
مكتوب
عشان فى حياتنا
نفرح...... بيه
كلماتي //على البحيرى
ليست هناك تعليقات:
إرسال تعليق