شخبطة قلم وحبة ريش
بقلمي يحيى حسين
عشت حياتي أنا وحدي
حابس أنا نفسي جوايا
ضاع العمر أنا مني
بقول للعمر كده كفاية
كفاية اللي تسرق مني
كفاية الدنيا تظلمني
كفاية دمع أنا حبسه
لحد ما أشتكى مني
حبايبي أهلي خلاني
خلاص رجعت أنا تاني
فاتح ليكم أنا قلبي
مادد ليكم أحضاني
تعالوا في حضني دفوني
تعالوا لحزني نسوني
تعالوا وأشتروا مني
داعمري أتسرق مني
تعالوا والحقوا خيري
بكرة خلاص يطير طيري
حيبقى منه كام ريشة
هايمة ما بين طنجة
أو بيشة
خدوهم وأرسموا بيهم
فجر لبكرة مستني
ساعتها وأن كنت أنا غايب
أكيد أنا حبقى متهنى
بقلمي يحيى حسين 14 ديسمبر 2018
ليست هناك تعليقات:
إرسال تعليق