ليه تسأل عن اللي ما لكش فيه
وتتجسس على الأخبار وتنكل بيه
سيب كل واحد في حاله
أنت مش عمه ولا خاله
يا ما ناس من الهم شافوا وشالوا
ما تعرفش أن البيوت أسرار
إن الناس في شئونهم أحرار
أنت مالك بس بغيرك
شكرا مش عاوزين شرك ولا خيرك
يا اللي بتحشر مناخيرك في كل موضوع
وتزود الوجع على الموجوع
يا إما تقول كلمة حلوة يا إما بلاش
يا صاحب الأخلاق والذوق اللي باش
سد ودانك وحط على عينيك شاش
وخليك أنت في نفسك بس و ما تنساش
ما لك بس باللي جرى واللي ما جراش
يا اللي مليان عيوب وما يدراش
يا اللي عاوز تعرف كل حاجة حتى اللي في الفراش
خللي في عينيك حصوة ملح وخليك في حالك يا بلاش
شهاب عياد
ليست هناك تعليقات:
إرسال تعليق