يعنى ايه صديق
بقلمى صالح منصور
انت عارف يعنى ايه
كلمة صديق
يعنى صادق .. يعنى فاهم
أن انا وانت في نفس الطريق
يعنى تبقي مرايتى
ابص فيها ألقي صورتى
يعنى ببساطه ضمير
لما اغلط تقولى لا
تبقي ليا صوت الحق
تبقي ليا مش عليا
اكيد فهمنى ولا لا
الصداقه زى علاقه
بين ايدين وبين عيون
لما تنجرح الايدين
ايش يكون من العيون
غير دموع تنزل عليها
ولما تبكى العيون
يبقي الرد من الايدين
اللي بنمسح بها الدموع
اكيد فهمنى ولا لا
يا صديقي زمان قلوها
الرفيق قبل الطريق
وانت رفيقي يا صديقى
والحياة علمتنى ..إن الوفاء
مش كتير .. بس هو من الأصيل
اكيد فهمنى .. ولا .... لا
........................ صالح منصور
ليست هناك تعليقات:
إرسال تعليق