جاى رمضان 2
**********
جاى رمضان ومعاه الخير
شهر عبادة ورزقه وفير
نفرح بيه وتروق ايامنا
ويرزقنا كما رزق الطير
جاى رمضان ومعاه الفرحة
ولا نسمع فيه كلمة جارحة
يومه صيام ذكر وقرآن
وليله قيام ناسه مسامحة
جاى رمضان زينة وفوانيس
أطفال فرحانة كمان بتهيص
ولو مش قادر او تعبان
رمضان فرض وفيه تراخيص
أنزل فيه أفضل قرآن
هدى للناس وكمان فرقان
واللى يصومه عايش شبعان
ولا بيت فيه بيكون زعلان
والمولى بخيره بيرضينا
ويفرحنا وينسينا
شقانا وتعب الايام
ولا عمره فى سنة بيبكينا
والله وحتجينا ياشهر الصوم
وتفرج عنا كل هموم
بركة واحسان
قران وايمان
اعلام زينة وفى كل مكان
طفلك فرحان
ماشى وهيمان
بفانوسه منور فى الاركان
والخير بيزيد
من غير مواعيد
لياليك فرحة والدرب ازدان
وجيت يارمضان
*******
وكل عام وانتم بخير
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق