للأحزان بيوت
*******
يا خليج البحر سافِر
واغزل الأحزان
شطوط
يا خليج البحر فاكر
السفر
ل هوانا
موت
يا خليج البحر احنا
الفراق لينا
جارحنا
والحنين زوِّد
جراحنا
والألم
ب جناح
وصوت
يا خليج البحر قرَّب
ع الأمل
عدِّي السنين
يا خليج البحر طبطب
ع الألم
واصرخ
ولين
يا خليج البحر فينا
قلب
مش جدران
سفينة
شطَّك انتَ
ب ألف مينا
واحنا للأحزان
بيوت
يا خليج البحر سَلِّم
ع اللي ساكن
ف الجروح
يا خليج البحر كلِّم
قلب ومشاعر
وروح
يا خليج البحر سيبنا
حُبِّنا فينا
غالِبنا
والحنين لازم
يجيبنا
والكلام
ويَّا السُكوت
يا خليج البحر حاسب
ع اللي غايب
فيك حياه
يا خليج البحر سايب
قلب دايب
ويل
وآه
يا خليج البحر طارح
التعب
جوَّ المطارح
والزعل
ساكن
وسارح
والملل
ف إيدينا قوت
محمد _ النورس
ليست هناك تعليقات:
إرسال تعليق